نه‌ورۆز ئه‌و تاکه‌ جه‌ژنه‌یه‌ که‌ نه‌ته‌وه‌ی کورد شانازی پێوه‌ ده‌کات، هه‌موو ساڵێ میلله‌ته‌که‌مان له‌م جه‌ژنه‌دا ئاهه‌نگ ده‌گێڕن و نوێبوونه‌وه‌ی هه‌سته‌ نه‌ته‌وایه‌تیه‌کان له‌گه‌ڵ هاتنی وه‌رزی به‌هاردا له‌ هه‌ناوی هه‌موو تاکێکی کوردا چرۆ ده‌کاته‌وه‌. ئه‌مساڵ له‌ سایه‌ی ڕاوێژکاره‌ به‌رزه‌کانه‌وه‌، به‌ هیمه‌تی ئه‌و که‌ڵه‌ پیاوانه‌ گه‌وره‌ترین و ناوازه‌ترین و جوانترین و رێزدارترین و نه‌ته‌وه‌ییترین و  هونه‌رمه‌ندترین ژنه‌ هونه‌رمه‌ندی گه‌له‌که‌مان له‌ که‌ناری ده‌ریای ناوه‌ڕاسته‌وه‌، له‌ لوبنانی جه‌رگ و سیی کوردستانه‌وه‌ ده‌گاته‌ پایته‌ختی وڵاته‌که‌مان شاری هه‌ولێری دێرین و هۆلاکۆ به‌زێن. ئه‌م هونه‌رمه‌نده‌ له‌ جوانیدا بێوێنه‌یه‌ و له‌ هه‌ستو سۆزی بۆ ئه‌م نیشتیمانه‌ تاقانه‌یه‌ و له‌ لوتکه‌دایه‌. ئه‌م خانمه‌ ناوی ... ناوی ... ده‌زانن کێیه‌؟؟؟ با هه‌موومان هاوار بکه‌ین ههههههههههههههه‌یییییییییییییففففففففففففففاااااااااااااااااااا  ...

ئه‌مه‌ ئه‌و گاڵته‌ جاڕییه‌یه‌ که‌ ده‌سه‌ڵات به‌ خه‌ڵک و به‌ بۆنه‌ نیشتیمانی و جه‌ژنه‌ پیرۆزه‌کانی ده‌کات. ئه‌مه‌ ئه‌و بێڕێزییه‌یه‌ که‌ به‌رامبه‌ر به‌ هه‌موو هونه‌رمه‌ندان و هونه‌ری کوردی ده‌کرێت له‌ له‌یه‌ن ئه‌و نابه‌رپرسانه‌ی ئه‌م کاره‌ ده‌که‌ن.

ئێمه‌ قاوه‌یه‌ک بۆ هه‌موومان ده‌گرینه‌وه‌ و خه‌ست خه‌ست، با پێکه‌وه‌ بینۆشین و بپرسین:

ئایا کوردستانه‌که‌مان، هه‌ولێره‌که‌مان هونه‌رمه‌ندی تیا نیه‌؟

ئایا کێ له‌و ئاهه‌نگه‌دا ( ئه‌مرۆژی ساڵی تازه‌یه‌ نه‌ورۆزه‌ هاته‌وه‌) ده‌ڵێته‌وه‌؟

بۆچی له‌ پیرۆزترین ڕۆژی نه‌ته‌وه‌ ژێرده‌سته‌که‌ماندا گوێیه‌کانمان پڕ ده‌که‌ن به‌ ئاواز و گۆرانی نامۆ؟

ئایا چۆن هونه‌رمه‌ندان ڕێگا به‌م جۆره‌ کارانه‌ ناگرن؟

ئه‌ی جه‌ماوه‌ره‌ هێمن و کوردپه‌روه‌ره‌که‌ی هه‌ولێر: ئه‌ی ئیوه‌ چۆن به‌ هه‌موو تواناتان بایکۆتی ئه‌م جۆره‌ ئاهه‌نگانه‌ ناکه‌ن؟؟؟؟؟؟؟؟؟؟؟؟؟؟

مه‌هێڵن بێت

مه‌هێڵن له‌ ڕۆژی جه‌ژنا  نامۆیه‌ک له‌م وڵاته‌دا شتێک بڵێت .

بۆ ده‌ره‌وه‌ ئێره‌ خاکی کوردستانه‌

ئه‌مڕۆ جه‌ژنی کوردستانه‌

ئه‌مڕۆ ته‌نها ووشه‌ی کوردی جلی کوردی ئاڵای کوردی که‌لتور و ڕه‌وشتی کوردی

بۆی هه‌یه‌ له‌م وڵاته‌دا به‌ده‌رکه‌وێت.

بۆ دره‌وه‌ نامۆکانی وڵاتی دوور

بۆ ده‌ره‌وه‌

هه‌ر هیچ نه‌بێت له‌م ڕۆژه‌دا لێره‌ جێتان نابێته‌وه‌.

Chra.tv