گه‌نجێكی هیندوستانی له‌ پێناو چاره‌سه‌ركردنی دایكی له‌ ده‌ست ئه‌و نه‌خۆشیه‌ی پێوه‌ی ده‌یناڵاند و له‌ پێناو ته‌نها 2دۆلار و 42سه‌نت، به‌ به‌رچاوی خه‌ڵكی شاره‌كه‌ی گیانی خۆی كرده‌ قوربانی.

به‌ گوێره‌ی هه‌واڵێكی سایتی "ئیسنا"ی ئێرانی، "زاور راتود" كه‌ گه‌نجیكی 35ساڵییه‌ و دانیشتووی باشووری هیندوستانه‌ بۆ چاره‌سه‌ركردنی نه‌خۆشیی دایكی پێویستی به‌ دوو دۆلار و 42 سه‌نت ده‌بێت و له‌ پێناو به‌ ده‌ستهێنانی ئه‌و بڕه‌ پاره‌یه‌ و چاره‌سه‌ركردنی نه‌خۆشیه‌كه‌ی دایكی له‌ شاره‌كه‌یدا له‌ به‌رچاوی جه‌ماوه‌ر مارێكی ژه‌هراویی خوارد و به‌هۆیه‌وه‌ رشاوه‌ته‌وه و دواتر گیانی سپاردووه‌.

سه‌رچاوه‌ پزیشكییه‌كان هۆكاری مردنی ئه‌و گه‌نجه‌ 35ساڵه‌یان روونكردۆته‌وه‌ و گوایه‌ رِژانی ژه‌هری ماره‌كه‌ و خوێن به‌ربوونی گه‌ده‌ی ئه‌و گه‌نجه‌ بۆته‌ مایه‌ی گیان له‌ده‌ستدانی.

به‌پێی راپۆرت و ئاماره‌كان، ساڵانه‌ له‌ وڵاتی هیندوستان خه‌ڵكانێكی زۆر به‌ هۆكاری هه‌ژاری و ده‌ستكورتییه‌وه‌ له‌ پێناو ده‌ستكه‌وت و بژێوی له‌م جۆره‌ نمایشانه‌دا گیانیان ده‌كه‌نه‌ قوربانی